RAINBOW EN DIE WOORD KINDERGROEP
Kersfunksie - 25 Nov 05
|
|
RAINBOW EN DIE WOORD KINDERGROEP Kersfunksie - 25 Nov 05 |
|
Vrydagmiddag sit die kinders sommer al vroeg-vroeg op hulle stoeltjies en wag vir Vader Kersfees! Dit is bloedig warm onder die afdak en ‘n 4 weke oue babatjie lê met bloedrooi wangetjies op sy ma se skoot, skoon slap van die hitte! - Vader Kersfees sal vandag baie vinnig moet kom! Ons begin die verrigtinge met die kinders wat vir ons kersliedere sing. En toe – terwyl ons nog sing stap Vader Kersfees by die hek in! Konsternasie, almal wil hom ‘n drukkie gee en gou iets vir hom vertel. Uiteindelik kom hy voor by die Kersboom met al die mooi geskenke in rye gepak uit!. Ons begin sommer dadelik met die belangrikse item van die dag – geskenke uitdeel!. Dit gons behoorlik toe die eerste geskenk oopgemaak word en die ander kinders die mooi speelgoed sien – nou kan hulle nie meer wag nie “Vader Kersfees jy moet nou spoed optel” sê die een outjie en almal stem saam. Intussen trek die wolke alweer toe en ons besef ons sal moet wikkel want daar is nog ‘n kersboom met baie kindertjies wat wag in Elandspoort. Toe die laaste geskenkie uitgedeel is en Vader Kersfees vinnig ‘n glasie koeldrank afsluk kry hy kastig ‘n oproep wat sê dat hy nou gou moet maak want die groot reën kom en die ander kinders moet ook nog geskenke kry! En daar ry ons………… Elandspoort toe! |
||||||||||||||||||||||||||||||||||||
|
||||||||||||||||||||||||||||||||||||
|
|
