Pretdag
vir kinders by President Kruger Kinderhuis 17 Jan
2004
Danksy al die bystand en wonderlike donasies van die Danville Hulp
Projek vrywillige ondersteuners vir ons kersfunksie in Desember, was
daar heelwat speelgoed oor.
Omdat ons kinders in Danville in oorvloed ontvang het, het ek gevoel dat
die geskenkies en speelgoed wat nou oor is aan ander kinders wat
minderbevoorreg is gegee moes word!. Ek het die Pres Kruger kinderhuis
gekontak en met Mnr Vorster hulle prinsipaal gesêls. Hy was baie
ingenome met die gedagte.
Uit die een gedagte het vele ander idees begin opduik. En kort voor lank
tesame met die optimisme en vrygewigheid van ons vrywilligers kon ons ‘n
heerlike dag vir hulle reel.
Dit wat ons nodig gehad het, het vinnig ingekom en voor ons ons oë kon
uitvee was dit Saterdag die 17e Januarie!
Vroeg oggend was al die vrywilligers by die kinderhuis om alles reg te
kry vir die kinders. Kort kort kon jy ‘n gordyn sien beweeg soos wat die
nuus-kierigheid die oorhand begin kry het! ‘n Paar klein seuntjies kon
dit nie meer hou nie en het versigtig om die hoek gesluip om ‘n vinnige
inspeksie te doen!
Die eerste springkasteel moes vinnig getoets word waarna hulle ook net
so vinnig weer om die hoek verdwyn het! Ons het lekker gelag vir die
vindingrykheid.
Uiteindelik kon hulle uitkom. Die lang waterglybaan met seep in was ‘n
aardigheid (sien die foto’s) Daar was gehardloop, geskaats, gegly en
enige moontlike toertjie op gedoen. Die groot springkasteel was ook ‘n
wenner.
Gesiggies is pragtig geverf terwyl die spookasem gemaak is.
Daar was ook ‘n oorvloed van lekkergoed en koeldrank wat net geneem en
geniet kom word!
Teen 11 uur het Tienie Geyser ‘n kulkunstenaar, die kinders vermaak met
al sy toertjies. Die mondjies het oopgehang van verbasing en hulle het
gegil van plesier!
Hierna was dit
middag ete. Terwyl die kinders geët het, het ons die geskenke uit die
karre gehaal en begin uitpak onder die afdak. Nou het dit behoorlik
begin gons! En toe was dit tyd om die geskenkies uit te deel.
Ek dink die vreugde en hartseer tegelyk wat ons daar ervaar het kan
niemand beskryf nie! Die kinder gesiggies wat ophelder met die besef dat
daar sowaar geskenke vir hulle is, is iets wat jy in jou hart vir altyd
sal bewaar!
As julle na die foto’s kyk sal julle sien hoe bly die kinders was en
almal het baie mooi dankie kom sê vir hulle geskenkies met ‘n stewige
drukkie en ‘n lekker klapsoen!
Ek het so gewens dat almal wat altyd so getrou bydra en help om hierdie
funksies ‘n sukses te maak ook daar kon wees om te deel in die kinders
se vreugde! –
Nogmaals baie baie dankie aan almal wat gehelp het
om hierdie dag baie spesiaal te maak vir die kinderhuis kinders.
Fun Day for kids at President Kruger Children's Home
As a
result of the generous donations for our Christmas Project we had quite
a few toys left over, and as our Danville kids all received toys,
which we decided to give the surplus toys to the children of the
Children's Home.
I
contacted the Home and spoke to the Principal, Mr. Vorster who was in
agreement and pleased with the idea.
One
idea usually generates more ideas and soon we were able to plan an
enjoyable day for the kids.
Our
needs were taken care of once again by kind donations and in no time the
17th January had arrived!
From
early morning the volunteers were busy getting things ready. You could
see movement behind curtains as curiosity got the best of some of the
kids. A few small boys quickly jumped on one of the jumping castles for
a quick test!
At last
the kids were let loose! The foamy waterslide was a firm favourite with
the kids trying out all sorts of tricks while sliding through the foam.
The
kiddie faces were painted and candy floss made. There was also sweets
and cold drinks for the taking!
At 11
o'clock, Tienie Geyser, a magician entertained the kids with his magic
tricks and the kids were totally in awe!
Then it
was lunchtime and while the kids were enjoying themselves we took the
presents out of our cars, ready to be handed out. The joy on the kid's
faces when they realised they were going to get presents as well, will
stay with us for a long time. Just look at the phots below to see the
joy on the kid's faces. They thanked each one of us personally with a
hug and a kiss! I only wish that all our contributors could attend to
see what affect their donation had and to share in the joy!
Once
again, thanks to everyone who helped to make this such a special day for
the kids.
|
