Ashley Blackbeard, Nadia Stieger, Solice Fourie en Celéste Hartley

Elsabé met Ashlea Blackbeard

Constantiapark Laerskool hou sokkie vir liefdadigheid

Die ondernemingsgees en puik reelings van vier graad 7 dogters van Constantiapark Laerskool het daartoe gelei dat hulle R2 530,00 aan die Danville Hulp Projek kon skenk.

Ashley Blackbeard, Nadia Stieger, Solice Fourie en Celéste Hartley het as deel van hul opdrag in een van hul vakke (Lewensorientering) die taak gehad om met ‘n projek vorendag te kom wat geld moes insamel om vir liefdadigheid te skenk. Na vele ure van kopkrap en ‘n formele “dinkskrum” het die vier besluit om ‘n sokkie by die skool te reel.

Die vier het nie alleen die besigheidsplan van die projek eiehandig opgestel, getik, gebind, maar hulle het ook hul ouers en sommige van die ouers se vriende gemotiveer om ‘n bydrae te maak met die reelings. Die vier dogters het ook die besigheidsplan aan die Hoof van die skool, Mnr At Oosthuizen voorgele ten einde goedkeuring te verkry om die skool se fasiliteite te gebruik. Nie net is kaartjies en advertensies van die sokkie gemaak en verkoop nie, maar die dogters het ook die sokkie oor die skool se interkom-stelsel geadverteer. Die ouers het gehelp met die reelings van die mobiele-disko en Pick ‘n Pay, Woodlands het goedgunstiglik koeldrank gratis verskaf.

Die sokkie, wat slegs vir grade 5, 6 en 7 leerlinge toeganklik was, was Vrydagaand 27 Oktober 2006 gehou in die skoolsaal en sowat 200 dansers het opgedaag vir die groot aand. Sommige van die ouers en onderwysers onder andere Mr Gerrit Smit het hul Vrydagaand opgeoffer om ‘n ogie oor die verrigtinge te hou wat tot 21:00 aangehou het.

Die opbrengste van die aand is na afloop van die verrigtinge getel en is by ‘n klein oorhandigings-seremonie by die skool op 9 November 2006 deur Me Ronalda Blackbeard aan Me Elsabé Blignaut van die Danville Hulp Projek oorhandig in die teenwoordigheid van Mnr At Oosthuizen, die skoolhoof